દાહોદ:-LCB પોલીસે મહાનગરોમાં ચોરીની ઘટનાઓને અંજામ આપતી ગેંગ ઝડપી પાડી…

રીપોર્ટ:-નઈમ મુન્ડા દાહોદ

દાહોદ LCB પોલીસે સુરત અમદાવાદ ગાંધીનગર વલસાડ જેવા ગામોમાં ઘરફોડ ચોરીને અંજામ આપતી ગેંગને ઝડપી પાડી

દાહોદ LCB પોલીસને બાતમી મળી હતીકે અગાઉ મિલકત સંબંધી ગુનાઓમાં ઝડપાયેલો ઈસમ સોમલા ઉર્ફે સુમલો કટારા તેના સાગરીતો સાથે ગોધરા બાજુથી ઈકો ગાડી લઈને તેના વડવા ગામ તરફ જઈ રહ્યો છે તેવી બાતમી આધારે LCB પોલીસે પંચોને સાથે રાખી કંબોઇ ચોકડી નજીક વોચ ગોઠવી સામેથી આવતી બાતમીમાં દર્શાવેલી ઈકો ગાડી આવતા તેનું વિડિઓ રેકોર્ડિંગ કરી તેને રોકવા માટે ઇસારો કરતા ચાલકે તે ઈકો ગાડી રોકી ન હતી અને રોડની સાઈટમાંથી ભગાવી જતા LCB પોલીસે પોતાના પાસે રહેલા સરકારી વાહનથી પીછો કરી ગાડીની આડ કરી ઈકો ગાડી રોકાવી હતી જેમાં ચાલકે પોલીસને સંતોસકારક જવાબ ન આપતા તમામ ઝડપાયેલા ઈસમોને LCB કચેરી ખાતે લાવવામાં આવ્યા હતા જ્યાં LCB પોલીસને ગાડીમાંથી ઘરફોડ ચોરીમાં ઉપયોગમાં લેતા બે ખાતરીયા મળી આવ્યા હતા સાથેજ પોલીસે તેમની સઘન પુછપરછ શરૂ કરતા પોલીસને જાણવા મળ્યું હતુંકે આ તમામ ઈસમો અલગ અલગ ઘરફોડ ચોરીના ગુનાઓમાં સંડોવાયેલા હોવાનું માલુમ પડતા LCB પોલીસે હ્યુમન સોર્સ અને ટેક્નિકલ સોર્સના માધ્યમથી આ તમામ ઝડપાયેલા આરોપીઓ વલસાડ સુરત અમદાવાદ ગાંધીનગર જેવા જિલ્લાઓમાંથી ઘરફોડ ચોરીની ઘટનાઓને અંજામ આપતા હોવાનું જાણવા મળ્યું હતું

દાહોદ LCB પોલીસે ઝડપેલા આરોપીઓની એમઓ

સોમલા ઉર્ફે સુમલો કટારો તેના અન્ય સાગરીતોને સાથે રાખી દિવસ દરમિયાન સ્કૂલ કોલેજ ઓફિસો તેમજ મકાનોની રેકી કરી રાત્રીના સમયે ચોક્કસ ટાર્ગેટ મુજબ લોક મારેલી જગ્યાઓ ઉપર પોતાની કસબો અજમાવી ચોરીની ઘટનાઓને અંજામ આપતા હોવાનું જાણવા મળ્યું હતું

મહાનગરોમાંથી ચોરી કરેલા અંડીટેક્ટ ગુનાઓનો ભેદ ઉકેલાયો

(૧) સુરત ગ્રામ્યમાં આવેલી રાધા ગોવિંદ ટ્રસ્ટ સ્કૂલમાં ચોરીની ઘટનાને અંજામ આપ્યો હતો જેમાંથી ઝડપાયેલા આરોપીઓ પાસેથી 26,500 રોકડા રિકવર કરાયા હતા અને બે ખાતરીયા કબ્જે કરાયા હતા આ ગુનો પણ અંડીટેક્ટ હતો તે ડિટેક્ટ કરાયો છે

(૨) ગાંધીનગરના માણસા પોલીસ સ્ટેશનની હદ વિસ્તારમાંથી ગાયત્રી શક્તિપીઠ અને ગાયત્રી એજ્યુકેશન ટ્રસ્ટમાં ચોરીની ઘટનાને અંજામ આપ્યો હતો તે ગુનો પણ ડિટેક્ટ કરાયો છે

(૩) અમદાવાદ શહેરના બોડકદેવ પોલીસ સ્ટેશનની હદમાં આવેલાં સિંધુભવન નાગરા પેટ્રોલપમ્પની બાજુમાં આવેલી રિલાયન્સ ઇન્ડસ્ટ્રીઝમાં ચોરીની ઘટનાને અંજામ આપ્યો હતો તે ગુનો પણ ડિટેક્ટ કરાયો છે

(૪) વલસાડમાં ચોરી કરવા ગયેલી ગેંગે ફોરવીલર શોરૂમના ઓફિસના તાલા તોડી અંદર પ્રવેશ્યા હતા પરંતુ ત્યાંથી કંઈ ન મળ્યું હતું અને ત્યાંથી નીકળી સુરત આવી કીમથી આગળ આવેલી એક કોલેજની ચાર તિજોરીઓના તાળાઓ તોડી અને ત્યાંથી eeco ગાડી 3:30 લાખ રૂપિયાની કિંમતની ચોરી કરી હોવાની કબુલાત કરી હતી આ ગુનો પણ ડિટેક્ટ કરવામાં એલસીબી પોલીસને સફળતા મળી

(૫) જ્યારે આ જ ગેંગ વલસાડમાં આવેલા હરિયા પાર્ક વિસ્તારમાં એક મકાનનો દરવાજો તોડી અંદર પ્રવેશ્યા હતા પરંતુ આજુબાજુના લોકો જાગી જતા તેઓ ત્યાંથી ભાગવામાં સફળ રહ્યા હતા એ ગુનાની પણ કબૂલાત કરી અને પોલીસે ગુનો ડિટેક્ટ કર્યો છે

(૬) આજ ગેંગ પોતાના સાગરીતોને સાથે મળી સુરત ઓલપાડથી 20 કિલોમીટર દૂર આવેલું વેલુકગામ નજીક કોલેજની પાછળ ઓફિસનું શટર તોડી તેમાં પ્રવેશ્યા હતા અને તેના ડ્રોવર તોડી બે લાખ ચાલીસ હજાર રૂપિયા રોકડાની ચોરી કરી હોવાની કબુલાત કરી હતી આ ગુનો પણ પોલીસે ડિટેક્ટ કર્યો છે

(૭) આ ચોરીની ગેંગ દાહોદ જિલ્લાના ધાનપુર ગામેથી ખાનગી વાહનમાં બેસી સુરત ખાતે પહોંચ્યા હતા અને ત્યાંથી વલસાડ ગામે પહોંચ્યા હતા અને ત્યાં રિક્ષામાં બેસી વલસાડના બાયપાસ રોડ ઉપર આવેલા એક મારૂતિ શોરૂમની ઓફિસના તાળા તોડી તેમાં પ્રવેશ કરી તેમાં મૂકેલું કબાટ તોડી તેમાંથી ચોરી કરી હોવાની કબુલાત કરી હતી

(૮) સુરતના ઓલપાડથી આગળ ડુમસ રોડ પર આવેલી એક સ્કૂલમાં અંદર પ્રવેશ કરી તેમાં તાળા તોડી અને ચોરીની ઘટનાને અંજામ આપ્યો હોવાની પોલીસ સમક્ષ બુલાત કરી હતી આ ગુનો પણ અનડિટેક્ટર હતો દાહોદ LCB પોલીસે તમામ ગુનાઓના ભેદ ઉકેલી અને અંડીટેક્ટ ગુનાઓને ડિટેક્ટ કરવામાં સફળતા મેળવી હતી

દાહોદ LCB પોલીસના હાથે ઝડપાયેલા તમામ આરોપીઓના નામ

(૧) સોમલા ઉર્ફે સુમલા જીથરા કટારા રહેવાસી વડવા કટારા ફળિયુ

(૨) ઈબુ ઉર્ફે અબુ અબરૂ નીનામા રહેવાસી આમલી ખજુરીયા નીનામા ફળિયુ

(૩) વસના ઉર્ફે વિષ્ણુ ભાવસિંગ પલાસ રહેવાસી આમલી ખજુરીયા સીમોડા ફળિયુ

(૪) કોલેસ ઉર્ફે કોલી પાંગલા નીનામાં રહેવાસી આમલી ખજુરીયા નીનામા ફળિયુ

(૫) રામસિંગ ઉર્ફે રામકા નરસુ પલાસ રહેવાસી આમલી ખજુરીયા નેળ ફળિયુ

(૬) સુક્રમ રમણ મીનામા રહેવાસી આમલી ખજુરીયા મિનામા ફળિયુ

(૭) મુકેશ ઉર્ફે મુકો નારુ ણાવા રહેવાસી ઝરીખરેલી માળ ફળીયુ

(૮) વિક્રમ રમણ મીનામા રહેવાસી આમલી ખજુરીયા મીનામાં ફળિયુ

જેમાં આ તમામ ઝડપાયેલા આઠેય આરોપીઓ અલગ અલગ કોર્ટના પકડ વોરંટમાં પણ ફરાર હતા તેમજ અલગ અલગ ગુનાઓમાં સંડોવાયેલા પોલીસ ચોપડેલ નોંધાયેલા આરોપીઓ હોવાનું જાણવા મળ્યું હતું

આમ દાહોદ એલસીબી પોલીસને ઘરફોડ ચોરીના ગુનાઓમાં સંડોવાયેલા આરોપીઓને ઝડપી પાડી અને વલસાડ અમદાવાદ ગાંધીનગર સુરત જેવા મહાનગરોના ચોરીના ગુનાઓના અંડીટેક્ટ ગુનાઓને ડિટેક્ટ કરવામાં સફળતા મળી હતી પોલીસે ચોરીના રૂપીયા 26,500 અને ઈકો ગાડીની કિંમત મળી કુલ 3,76,520 રૂપિયાનો ચોરીનો મુદ્દામાલ કબ્જે કરી તમામ આરોપીને જેલ ભેગા કર્યા છે

Editor & Chief Naeem Munda

• Mo:-9879867333

Editor:-Faizan Khan