રીપોર્ટ:ફેઝાન ખાન દાહોદ
દાહોદના મોટી સારસી ગામમાં “સ્વચ્છતા હી સેવા – ૨૦૨૪” અંતર્ગત સફાઇ વિષયને લઇને ચિત્ર સ્પર્ધા કરવામા આવી
દાહોદ : દેશમાં લોકો સ્વચ્છાગ્રાહી બને અને આપણો દેશ સ્વચ્છ રહે તે હેતુથી સ્વચ્છતા અભિયાન શરૂ કરવામાં આવ્યું છે. સમગ્ર ગુજરાત રાજ્યમાં ગત તા. ૧૭ થી “ સ્વચ્છતા હી સેવા અભિયાન “ શરૂ કરવામાં આવ્યું છે. જે અંતર્ગત સમગ્ર રાજ્યમાં સ્વચ્છતાને લગતા વિવિધ કાર્યક્રમો હાથ ધરવામાં આવ્યા છે. જે અંતર્ગત દાહોદ જિલ્લામાં પણ રોજ-બ-રોજ સ્વચ્છતાને અનુલક્ષીને વિવિધ કાર્યક્રમોનું આયોજન કરવામાં આવી રહ્યું છે.
ત્યારે દાહોદ જિલ્લાના દાહોદ તાલુકાના મોટી સારસી ગામમાં “સ્વચ્છતા હી સેવા” – ૨૦૨૪” અંતર્ગત પ્રાથમિક શાળાના બાળકો દ્વારા શાળાની બહાર અને આસ-પાસના માર્ગો પર ગ્રામ પંચાયત દ્વારા લોક ભાગીદારી થકી સફાઈ કામગીરી કરવામાં આવી હતી. તેમજ સફાઇ વિષયને લઇને ચિત્ર સ્પર્ધા પણ કરવામાં આવી હતી.
