રીપોર્ટ:નઈમ મુન્ડા દાહોદ
કલેક્ટર યોગેશ નિરગુડેના અધ્યક્ષ સ્થાને જિલ્લા સેવા સદન ખાતે જિલ્લા સંકલન સમિતિની બેઠક યોજાઇ
સંબંધિત અધિકારીઓને ઇ-કેવાયસી તેમજ આવેલ અરજીઓની કામગીરી મર્યાદિત સમયમા પુર્ણ કરવા તાકીદ કરાઈ
દાહોદ : જિલ્લા કલેક્ટર યોગેશ નિરગુડેના અધ્યક્ષસ્થાને જિલ્લા સેવા સદન ખાતે જિલ્લા સંકલન તેમજ ફરિયાદ સમિતિની બેઠક યોજવામા આવી હતી.
જિલ્લાની સંકલન અને ફરિયાદ સમિતિની આ બેઠકમાં પેન્શન કેસો, જમીનના પુરાવા, જમીન સર્વે, બિનખેતી પરવાનગી, બાંધકામ અંગેની મંજુરી, વરસાદના કારણે નુક્સાન થયેલ રસ્તાઓ, ખાનગી વાહનોમા નાગરીકો દ્વારા થતી જોખમી મુસાફરી અંગે તેમજ વિધ્યાર્થીઓને કરવી પડતી પ્રાઇવેટ વાહનોની મુસાફરી વિશેના રજૂ થયેલા પ્રશ્નો અને મુદ્દાઓ અંગે સંબંધિત અધિકારીઓને સત્વરે વિગતવાર અહેવાલ રજૂ કરવા સૂચના આપી હતી.
પી.એમ.આવાસ યોજના વિશે વાત કરતા જિલ્લા વિકાસ અધિકારી ઉત્સવ ગૌતમએ જણાવ્યુ હતુ કે, કાચી છત અને કાચી દિવાલ ધરાવતા તમામ પાત્રતા ધરાવતા લાભાર્થીઓને પી.એમ.આવાસ યોજનાનો લાભ આપવામા આવશે. ઉપરાંત નિવાસી અધિક કલેક્ટર જે.એમ.રાવલએ બિનખેતી જમીન અંગેના પ્રશ્નો વિશે કહ્યુ હતુ કે, જમીનના પુરાવા માટે નિયમોનુસાર તેમજ સરકારના નિર્ણયાધીન રહી કામગીરી કરવામા આવશે.
