દાહોદ:વરસાદે વિરામ લેતા રસ્તાઓનું મરમ્મત કાર્ય પૂરજોશમાં શરૂ કરાયું

રીપોર્ટ:-ફેઝાન ખાન દાહોદ

વરસાદે લીધેલા વિરામ બાદ જિલ્લા વહીવટી તંત્રએ યુદ્ધના ધોરણે કામગીરી હાથ ધરી

ધાનપુરમાં વરસાદ થકી રસ્તાઓને થયેલ નુકસાનીને પગલે રસ્તા મરામત કરવાની કામગીરી કરતી માર્ગ અને મકાન વિભાગની ટીમ

દાહોદ : દાહોદ જિલ્લામાં વરસાદ બાદ જિલ્લા તંત્ર દ્વારા જનજીવનને ફરીથી પૂર્વવત કરવા યુદ્ધના ધોરણે કામગીરી હાથ ધરવામાં આવી રહી છે. ભારે વરસાદના કારણે જે ગંભીર પરિસ્થિતિ ઊભી થઇ હતી જેને પગલે સામાન્ય લોકોના ઘરો તેમજ મુખ્ય માર્ગોની સાથોસાથ અંતરિયાળ ગામોના રસ્તાઓનું પણ ધોવાણ થતા બિસ્માર થયેલા રસ્તાઓને મરામત કરવાની કામગીરી માર્ગ અને મકાન વિભાગ દ્વારા યુદ્ધના ધોરણે શરૂ કરી દેવામાં આવી છે.

જેમાં ધાનપુર તાલુકાના પીપેરો ખાબડ ફળીયા, સજોઇ દુકન ફળીયા, નળું લુખડીયા સીમાડાથી અદલવાડા ડેમ તેમજ ચારી એપ્રોચ જેવા રોડની સમારકામની કામગીરી સંબંધિત વિભાગ દ્વારા પૂર્ણ કરી દેવામાં આવી છે એ ઉપરાંત હાલ અન્ય રસ્તાઓના પેચવર્કની કામગીરી પણ કરવામાં આવી રહી છે.

Editor & Chief Naeem Munda
Editor Faizan Khan

તમારા ધંધા રોજગારની જાહેરાત બિલકુલ વ્યાજબી ભાવે આપવા માટે સંપર્ક કરો સમાચારો માટે અમારો સંપર્ક કરો
9427846262…9879867333