રીપોર્ટ:નઈમ મુન્ડા દાહોદ
પ્રાકૃતિક ખેતી વિષયક તાલીમ યોજાઈ
પરમારના ડુંગરપુર તેમજ નવીપરી ખાતે પ્રગતિશીલ ખેડૂત ડામોર ચંદ્રસિંહ દ્વારા કુદરતી ખેતીના વિવિધ આયમોની સમજ અપાઈ
દાહોદ : દાહોદ જિલ્લામાં હાલ પ્રાકૃતિક ખેતીને ખુબ જ વેગ આપવામાં આવી રહ્યો છે, પ્રાકૃતિક ખેતી તેમજ રાસાયણિક ખેતી પદ્ધતિ વચ્ચે કયા કયા ફેરફાર હોય છે તેમજ આ બન્ને પદ્ધતિમાંથી ખેડૂત, અનાજ, જમીન અને આર્થિક રીતે યોગ્ય પદ્ધતિ કઈ તે વિશે પરમારના ડુંગરપુર તેમજ નવીપરી ગામ ખાતે તાલીમ યોજવામાં આવી હતી.
આ તાલીમ દરમ્યાન દાહોદ જિલ્લાના સીંગવડ તાલુકાના પાતા ગામના રહેવાસી તેમજ પ્રગતિશીલ ખેડૂત ડામોર ચંદ્રસિંહ દ્વારા ઉપસ્થિત તમામ ખેડૂત ભાઈઓ અને બહેનોને પ્રાકૃતિક ખેતી અંગે થતા વિવિધ પ્રકારના અનેક ફાયદાઓની વિસ્તારપૂર્વક વાત કરવામાં આવી હતી. તાલીમ દરમ્યાન ખેડૂતોને ઉદભવતા અથવા તો મૂંઝવતા પ્રશ્નોના જવાબ પણ સ્થાનિક ભાષા થકી સમજાવવામાં આવતા તેઓ આ તાલીમ મળતા સંતુષ્ટ થયા હતા.
