રીપોર્ટ:નઈમ મુન્ડા દાહોદ
ઇમરજન્સી રિસ્પોન્સ સેન્ટર દાહોદ દ્વારા જિલ્લા ગ્રામ વિકાસ એજન્સી ખાતે આપદા મિત્રોની રીફ્રેશર તાલીમ યોજાઇ
દાહોદ ખાતે જિલ્લા કક્ષાની આપદામિત્ર રીફ્રેશર તાલીમનું આયોજન કરવામાં આવ્યુ હતું. એક વાત ઉલ્લેખનીય છે કે આપદા દરમિયાન દૂર રહેલા ગામડા વિસ્તારમાં આ આપદા મિત્રો પ્રથમ સહાયક તરીકે ખૂબ ઝડપી સહાયતા કરી રહ્યા છે. જેને ધ્યાને રાખી આ તાલીમનું આયોજન કરવામા આવ્યુ હતું.
આ તાલીમમા નિષ્ણાતો તરીકે ફાયર સ્ટેશન દાહોદના ફાયર ઓફિસર દીપેશ જૈન, જિલ્લા પ્રોજેક્ટ અધિકારી અતુલ પરમાર, જિલ્લા પ્રોજેકટ અધિકારી,પંચમહાલ વિરલ ક્રિશ્ચયન, જિલ્લા મેનેજર ૧૦૮, ડૉ. હિતેશ ચારેલ, આરોગ્ય વિભાગ, દાહોદ, જિલ્લા હોમગાર્ડ કમાન્ડન્ટ સરદારસિંહ બારીયા હાજર રહ્યા હતા.
આ તાલીમમાં વિવિધ આપત્તિ અંગે પ્રેક્ટીકલ અને થિયરીકલ માહિતી આપવામાં આવી તથા આપત્તિ સમયે શું કરવું? – શું ના કરવું તે અંગેની વિસ્તાર પુર્વક માહિતી આપવામાં આવી હતી. આ ઉપરાંત આગના પ્રકાર, આગ દરમિયાન શું કાળજી લેવી તેમજ ફાયર વિભાગના વિવિધ સાધનોની પ્રદર્શની કરવામાં આવી હતી. ગ્રીન હેલ્થ ૧૦૮ માંથી ઉપસ્થિત રહેલ મેનેજરએ ૧૦૮ ની સુવિધા, સારવાર જેવી અનેક બાબતોથી આપદા મિત્રોને માહિતગાર કર્યા હતા. આરોગ્ય વિભાગ દ્વારા CPR અને ફર્સ્ટ એડ વિષયક માર્ગદર્શન પૂરું પાડવામા આવ્યુ હતુ. આ તાલીમ કાર્યક્રમમાં આશરે ૭૦ જેટલા આપદામિત્ર તથા અન્ય લોકોએ હાજર રહી તાલીમા ભાગ લીધો હતો.
