રીપોર્ટ:-નઈમ મુન્ડા દાહોદ
દાહોદ જિલ્લાના ધાનપુર તાલુકાના કંજેટા ગામની પાનમ નદીમાં આવેલ પૂરમાં ફસાયેલા 6 લોકોને રેસક્યું હાથ ધરી પાણીમાંથી બહાર કાઢી લેવાયા
દાહોદ જિલ્લાના ધાનપુર તાલુકાના કંજેટા ગામેથી પસાર થતી પાનમ નદીના પટ્ટ માંથી ટ્રેક્ટર લઈને ત્રણ યુવકો સામી ધેડે ગયા હતા અને તે પછી ઉપરવાસમાં વધુ વરસાદના કારણે નદીમાં પાણીનું વહેણ વધતા આ ત્રણેય યુવકો નદીમાં ટ્રેક્ટર નીકળશે કે કેમ તે જોવા આવતા જોત જોતામાં નદીમાં પાણીનું વહેણ વધી જતા ત્રણેય યુવકો ઉભા હતા તેમની આસપાસ પાણી ફરી વળતા નજીકમાં આવેલ ટેકરી ઉપર આ ત્રણેય યુવાનો ઊભા થઈ બચાવો બચાવોની મદદ માંગતા હતા અને ગ્રામજનો દ્વારા તેઓને બહાર કાઢવા માટે પ્રયાસ હાથ ધરતા જેમાં પાણીનું જોર વધતા અન્ય એક કંજેટા ગામનો યુવક પણ તેમને કાઢવા જતા ફસાયો હતો જેને લઇ આસપાસના ગ્રામજનો દોડી આવ્યા હતા
અને બનાવની જાણ ફોરેસ્ટ તેમજ સ્થાનિક પોલીસ સહિત પ્રાંત અને મામલતદારને થતા તેઓ પણ ઘટના સ્થળે દોડી ગયા હતા અને આ ઘટનાની જાણ દેવગઢ બારીઆ ફાયર વિભાગને કરતા ફાયર વિભાગ પણ ઘટના સ્થળે પહોંચી જઈ ત્રણેય યુવકને બહાર કાઢવા માટે દોરડાની મદદથી રેસ્ક્યુ હાથ ધરી જેમાં PSI, RFO તેમજ વહીવટી સ્ટાફ સહિત ગ્રામજનો અને ફાયરના માણસો સાથે રેસ્કયું કરી નદીના વહેણમાં ઊતરી દોરડાની મદદથી 6 યુવકોને સહી સલામત બહાર કાઢી પોલીસ મથકે લઈ જવામાં આવ્યા હતા જેમા એક યુવક પીપેરો અને અન્ય બે યુવકો જેસાવાડાના હોવાનું બહાર આવ્યું હતું ત્યારે આ યુવકોને પૂછતા તેઓ ઇંટો ભરવા ગયા હોવાનુ હાલ રટણ કરતા હોય તેમ જોવાઈ રહ્યું હતું ત્યારે આ લોકો નદીમાં રેતી ભરવા ગયા હોવાનું પણ સ્થાનિક લોકો દ્વારા ચર્ચાઈ રહ્યું હતું
