દાહોદ:-કલેક્ટર યોગેશ નિરગુડેની ઉપસ્તિથીમાં સંકલન સમિતિની બેઠક યોજાઈ

રીપોર્ટ:ફેઝાન ખાન

જિલ્લા કલેક્ટર યોગેશ નિરગુડેના અધ્યક્ષસ્થાને જિલ્લા સંકલન સમિતિની બેઠક યોજાઈ

દાહોદ જિલ્લાની સંકલન બેઠકમાં રજૂ કરાયેલ વિવિધ મુદ્દાઓ અંગે કલેક્ટર યોગેશ નિરગુડેએ સંબંધિત અધિકારીઓને આપ્યા સૂચનો

જન-પ્રતિનિધિઓ તરફથી રજુ કરાયેલ પ્રશ્નોનું ઝડપી નિરાકરણ કરવા ઉપર ભાર મુકતા કલેક્ટર યોગેશ નિરગુડે

દાહોદ : સેવા સદન છાપરી, દાહોદની કલેક્ટર કચેરી ખાતે કલેકટર યોગેશ નિરગુડેની અધ્યક્ષતા હેઠળ જિલ્લા સંકલન સહ ફરિયાદ નિવારણ સમિતિની બેઠક યોજવામાં આવી હતી.

આ બેઠક દરમ્યાન સંબંધિત વિભાગોના અમલીકરણ અધિકારીઓ તેમજ પદાધિકારીઓની ઉપસ્થિતિમાં પ્રશ્નોના કાયમી નિકાલ અંગે સીધો સંવાદ કરી ચર્ચા કરવામાં આવી હતી. પદાધિકારીઓ દ્વારા રજૂ કરેલા પ્રશ્નો અંગે વિગતવાર ચર્ચા સાથે રચનાત્મક સૂચનો કરી સમસ્યાનો કાયમી ઉકેલ લાવી લોક સુખાકારીમાં વધારો કરવા કલેકટર યોગેશ નિરગુડેએ સુચના આપી હતી.

જિલ્લામાં રોડ-રસ્તા તેમજ ખાણ ખનીજ ને લગતા તેમજ અન્ય વિકાસના કામો બાબતે વિસ્તૃતમાં ચર્ચા કરી નાગરિકોના પ્રશ્નોનો ઝડપી નિકાલ લાવી જીવન જરૂરીયાત વાળા કામોને પ્રાથમિકતા આપવા અંગે રજૂઆત કરવામા આવી હતી. ધારાસભ્યઓ દ્વારા સૂચવેલા કામોને પ્રાથમિકતા આપવા પર ભાર મૂક્યો હતો.

જિલ્લા સંકલનની બેઠકમાં અધિકારી/કર્મચારીઓ, કચેરીઓને લગતા પ્રશ્નો તેમજ તમામ વિભાગોને સંકલનમાં રહીને કરવાના કામો કરવા સુચાના આપી હતી. શિક્ષણ તેમજ રોડ-રસ્તા જેવા મહત્વના પ્રશ્નો પર ખાસ ધ્યાન કેન્દ્રિત કરવા જિલ્લા કલેક્ટરએ લોકો દ્વારા તથા જનપ્રતિનિધિઓ તરફથી આવતા પ્રશ્નોનું ઝડપી અને ત્વરિત નિરાકરણ કરવા જણાવ્યું હતું. માત્ર એટલું જ નહીં પણ જે-તે વિભાગો દ્વારા નિકાલ કરાયેલી કામગીરીની ત્વરિત જાણ કરવા પણ વિભાગોને સૂચના આપવામાં આવી હતી.

આ બેઠકમાં જિલ્લા પંચાયત પ્રમુખ ક્રરણસિંહ ડામોર,ધારાસભ્ય મહેશભાઈ ભુરીયા,જિલ્લા વિકાસ અધિકારી ઉત્સવ ગૌતમ, નિવાસી અધિક કલેકટર જે.એમ.રાવલ, જિલ્લા ગ્રામ એજન્સીના નિયામક બી.એમ.પટેલ,તમામ પ્રાંત અધિકારીઓ, નાયબ પોલીસ અધિક્ષક રાઠોડ,સહિત વિવિધ કચેરીઓના અધિકારીઓ- કર્મચારીઓ ઉપસ્થિત રહ્યા હતા.

Editor & Chief Naeem Munda
Editor Faizan Khan

તમારા ધંધા રોજગારની જાહેરાત બિલકુલ વ્યાજબી ભાવે આપવા માટે સંપર્ક કરો સમાચારો માટે અમારો સંપર્ક કરો
9427846262…9879867333