દાહોદ:ગુજરાતનું ખજૂરાહો ગણાતા બાવકાના પૌરાણિક મંદિર ખાતે શ્રાવણ માસની ઉજવણી

રીપોર્ટ નઈમ મુન્ડા દાહોદ

દાહોદ:-મહાકાલના ભક્તો ભક્તિભાવ સાથે આજથી શ્રાવણ માસની ઉજવણી શરૂ કરી

આજે શ્રાવણ માસના પ્રથમ સોમવારે વહેલી સવારથી શહેરના શિવ મંદિરોમાં ભક્તોનું ઘોડાપૂર જોવા મળ્યું હતું. હિન્દુ સમુદાયમાં શ્રાવણ માસને તહેવારોનો મહિનો ગણવામાં આવે છે. દાહોદના ચોસાલા ગામે આવેલા મહાદેવ મંદિરમાં ભક્તોનું ઘોડાપૂર જોવા મળી રહ્યું છે. દાહોદમાં ગુજરાતનું ખજૂરાહો ગણાતું બાવકાનું પૌરાણિક મંદિર છે. પવિત્ર શ્રાવણ માસમાં આ અદભુત મંદિર આસ્થાનું કેન્દ્ર છે. દેશના કેટલાક રાજ્યોમાંથી અને ગુજરાતનાં અલગ અલગ ગામોમાંથી લોકો આ મંદિરના દર્શન કરવા માટે આવતા હોય છે.

આજથી પવિત્ર શ્રાવણ માસની શરૂઆત થઈ છે ત્યારે દાહોદ જિલ્લાના બાવકા ખાતેના શિવ મંદિરનું 10 મી સદીનું બાંધકામ છે. પૌરાણિક મહાદેવ મંદિર હર હર મહાદેવ અને શિવ શંભુના નાદ સાથે ગુંજી ઉઠ્યું હતું.શિવલિંગ પર વહેલી સવારથી જ ભક્તો દુધાભિષેક અને જળાભિષેક કરી રહ્યા છે.ભક્તોનું કહેવું છે કે,પવિત્ર શ્રાવણ મહિનામાં ભગવાન શિવ હાજરા હજુર હોવાથી મનોકામના પૂર્ણ થતી હોય છે. ભગવાન શિવને બીલીપત્ર અને જળાભિષેક કરતા ભક્તો જોવા મળ્યા હતા. આજે દાહોદ જિલ્લાના મહાદેવ મંદિરો ખાતે ઘીનો અભિષેક કરવામાં આવતો હોવાથી આરતી સમયે ભક્તોનું ઘોડાપુર ઉમટી પડતું હોય છે.ઉલ્લેખનીય છે કે, ગુજરાતના બે જ્યોતિર્લિંગ સોમનાથ અને નાગેશ્વરની જેમ મહાદેવ મંદિરો ખાતે પણ લોકોની અતૂટ શ્રદ્ધા હોવાથી ભક્તોની ભીડ ઉમટી પડતી હોય છે.

Editor & Chief Naeem Munda
Editor Faizan Khan

તમારા ધંધા રોજગારની જાહેરાત બિલકુલ વ્યાજબી ભાવે આપવા માટે સંપર્ક કરો સમાચારો માટે અમારો સંપર્ક કરો
9427846262…9879867333