રીપોર્ટર નઈમ મુન્ડા દાહોદ
દાહોદના રેલવે સ્ટેશન ખાતે રખડતા આખલાઓની લડાઈમાં ત્રણ લોકો ગંભીર ઈજાગ્રસ્ત બન્યા, પાલિકાની બેદરકારી સામે નિર્દોષ લોકો ઈજાગ્રસ્ત બની રહ્યા છે
ગુજરાતમાં રસ્તે રખડતા આખલાઓને પાંજરે પુરવા માટે અને રખડતા ઢોર વિશે કાયદો બનાવી નિયમો અમલમાં મુકવાના ગુજરાત હાઇકોર્ટેના ફરમાન બાદ ગુજરાત સરકારને આડે હાથ લેવાય હતી પરંતુ મોડે મોડે જાગેલી ગુજરાત સરકારે મહાનગર પાલિકાઓ અને નગર પાલિકા વિસ્તારોના જિલ્લા કલેકટરો અને પાલિકાના મુખ્ય અધિકારીઓને રસ્તે રખડતા ઢોર મુદ્દે ગુજરાત સરકારે બનાવેલા નિયમો અનુસાર તેમને પકડી પાંજરે પુરવા તેમજ રખડતા ઢોરના માલિક સામે ગુના દાખલ કરવા સહિતના નિયમો અમલમાં મુકવામાં આવ્યા છે પરંતુ સરકારનાજ અધિકારીઓ સરકારના કાયદા કાનૂનને ઘોળીને પી ગયા હોય તેમ લાગી રહ્યું છે કારણકે ગુજરાત હાઇકોર્ટના કડક ફરમાન બાદ ગુજરાત સરકારે રખડતા ઢોરો સામે કાર્યવાહી કરવાના આદેશ બાદ પણ પાલિકાના પેટનું પાણી હળતું નથી તેવીજ રીતે દાહોદ શહેરમાં પણ રસ્તે રખડતા ઢોરો બાખડતા હોય તેવા સમયે રસ્તે ચાલતા નિર્દોષ રાહદારીઓને અડફેટે લઈ ઈજાઓ પહોંચાડતા હોય છે તેવીજ એક ગંભીર ઘટના દાહોદ શહેરના રેલવે સ્ટેશન રોડ ઉપર આવેલા મુસ્લિમ મુસાફર ખાના નજીક બની છે તેમાં બે રખડતા આખલાઓની લડાય વચ્ચે ત્રણ નિર્દોષ લોકોને અડફેટે લેતા ઈજાગ્રસ્ત બન્યા હતા જેમાં મુસ્લિમ મુસાફર ખાનાની તેમના ઘરના બહાર બેઠેલા ત્રણ વૃદ્ધ લોકોને ગંભીર ઈજાઓ પહોંચાડતા ત્રણ જેટલા લોકો ઈજાગ્રસ્ત બન્યા હતા જોકે આસપાસમાં ભેગા થયેલા લોકોએ 108 એમ્બયુલન્સને જાણ કરતા 108 એમ્બ્યુલન્સ ઘટના સ્થળે આવી પહોંચતા ત્રણેય ઈજાગ્રસ્તોને બે એમ્બ્યુલન્સ મારફતે દાહોદના ઝાયડસ હોસ્પિટલ ખાતે સારવાર અર્થે લઈ જવામાં આવ્યા હતા જેમાંથી બે લોકોની હાલત નાજુક હોવાની જાણકારી મળી હતી ત્યાં હાજર ડોક્ટરો દ્રારા ત્રણેય ઈજાગ્રસ્તોના સીટી સ્કેન એક્સરે સહિતના મેડિકલ ટ્રીટમેન્ટ માટેની કાર્યવાહી કરાઈ હતી જોકે આ ઘટનાની જાણકારી તેમના સગા સંબંધીઓને થતા ઝાયડસ હોસ્પિટલ ખાતે તાત્કાલિક દોડી આવ્યા હતા અને પાલિકાની આવી ગંભીર બેદરકારી બદલ ફીટકાર વરસાવી પાલિકા સામે ગુનો દાખલ કરાવવા માટેની કાર્યવાહી હાથ ધરી હતી
